LAMOkatol

LAMOkatol

By: Neil GAbriel G. Bonto

Sa aking pagtulog, may 'di inaasahan 
May elementong bumasag sa kahimbingan
Sige ang haplos sa inosenteng katawan
Pagbukas ng ilaw sila'y pinalakpakan 

Lamok lang pala ang siyang nangbubulabog
Sa sobrang badtrip ko hindi na makatulog 
Akala mo mga karayom kung makatusok
Gusto ko mang gumanti 'di naman masuntok

Sa galing mangasar, 'di ko na nakayanan
Napabili tuloy ng katol sa tindahan
Nilagay sa kwarto, agad sinindihan
Salamat, pahinga na ako sa higaan 

Ngunit naghamon ng pangalawang digmaan
Binili kong sandata,'di maaasahan
Paghihirap ko wala na bang katapusan?
Mababaliw na ata ako, oh Sh!t naman! 

Pambihirang kwarto pineste ng mga lamok
Sa lupet umilag parang mga jeep na patok!
Ayaw pahuli sa katol kong supot ang usok
Palibhasa dos lang kaya ayaw patepok! 

Nang kinabukasan nakaramdam ng sakit 
Bukod sa puyat ko, pantal ang sinapit
Bumara ang lalamunan, tila naipit
Traydor na katol,'di na ako gagamit! 

Ang usok na dapat sa lamok ay bumugaw
Sa loob ng katawan napiling sumayaw
Pinagkamalang hideout ng lamok at langaw
Langhiya! Sa lalamunan ko pa naligaw

Ang 'di sadyang paglanghap ng usok ng katol
Ngayon sa akin ay lubos na nagpatahol
Dulot ay sipon sa salita nagpabulol
Sa isang Bioflu inasa ang paghatol 

Kaya ang payo 'wag na bumili ng katol 
Sa halip ay maligo na lang ng Alcohol 
Babala; Gumawa, daig pa asong ulol 
Sigurado bukas kaw na binuburol 

Inakala mo sigurong ako ay adik
Himbing ng tulog ninais lamang makamit
Heto nagdurusa sa sakit na sinapit
Bangungot na digmaan 'wag na sana maulit 





(true to life story men! hehe,.napagtripan ko lang gawin to...haha, sana nagustuhan nyo...)