Tapos?
By: Neil Gabreil G. Bonto
Paano nga ba magsulat ng tapos?
Sa papel na musmos
Malinis at walang galos
Gamit ang utak na laos
Hiling na salita ay 'di ubos
Sa pahayag na tuwiran ang agos
Mga ideyang itutubos
Mga katagang nagtutuos
Sa isip ng may kathang nag-uutos
Na isaad ng panulat sa pagkuskos
Hindi alintana ang paltos
Mailahad lang ang damdaming nakagapos
Hahayaan kaya akong makaraos
Kung sa ganitong daloy matatapos?
No comments:
Post a Comment