"Juan Thing"
By: Neil Gabriel G. Bonto
Ang mga kabataan na dapat ay nasa silid aralan
Ngayo'y inuubos ang oras sa maduming lansangan
Ano kaya ang ginagawa ng ating pamahalaan?
Dapat silay bigyan ng pansin at pahalagahan!
Maraming mga pilipino ang tahanan ay selda
Ngunit karamihan dito ay malinis ang konsensya
Walang kasalanan,ngunit sila ang nagdurusa
May matatawag pa bang tapat na hustiya?
Ang mga nakalathala sa pahayagan
Ay ang mga walang katapusang "patayan"
Kung ito ang lagi nating kagigisnan
May matatawag pa bang kapayapaan?
Maraming mga pilipinong nakatambay na lamang
Ang iba ay nagkalat sa lansangan
Karamihay'y umaasa sa mga sugalan
Umaasa sa swerteng dulot ay biglang yaman
Anupa't hinalintulad ang pulitiko sa magnanakaw
Karamihan sa salapi ay nasisilaw
Pagkatapos silang iluklok sa ibabaw
Mga pangako nila'y parang nilangaw
Ang mga manggagawang pilipino sa trabaho ay subsob
Hindi iniinda ang mga hirap at pagod
Para lang kumita sige lang ang kayod
Bakit 'di magawa ng gobyernong taasan kanilang sahod?
Ang mga mayayaman sige lang ang gastos
Habang ang iba'y hirap sa paglimos
Kahit piso kukunin para lang makaraos
Paghihirap ni Juan kelan kaya matatapos?
“Silid-Nakawan”
By:Neil Gabriel Bonto
Oh napakalungkot na araw
Nang pinasok kami ng magnanakaw
Mga bag namin ay aming sinilip
Wala na pala ang iba naming gamit
Ang mga nawalan kanya kanyang hanapan
Ngunit 'di na matagpuan 'di alam kung nasaan
Ang iba naman ay walang kamalay-malay
Kanilang mga pitaka nasa iba nang kamay
Dahil sa mga pangyayaring iyan
May mga nag-iyakan
Habang ang iba ay walang pakialam
At karamihan ay nagtsismisan
Oo nga lahat kami ay matatalino
Pero sadyang sa amin may mas henyo
Ang mga magnanakaw na pumasok sa aming kwarto
Kung sino man kayo,mga lahi kayo ng demonyo!
Oh ang mga mandarambong nga naman
Magaling dumiskarte kahit kailan
Wala na ba silang mapaglibangan?
Pati kaming mga cute kanilang pinagtripan
Kung kelan magtatapos na tayo
Tsaka pa may nangyaring ganito
Kung sino man ang gumawa nito
Sinisira niyo ang Pangalan ng lagro
Dumating ang mga gwardya,upang magimbestiga
Ngunit wala rin silang nagawa,nagmukha lang silang tanga
Dahil 'di makilala ang mga tunay na salarin
Di rin malaman kung saang room hahanapin
May mga pinagdududahan
Ngunit 'di tiyak ang katauhan
Pero kami rin ang may kasalanan
Dahil sa aming kapabayaan
Oh hinding-hindi naming malilimutan
Itong araw ng mga nakawan
Isa man itong masaklap na karanasan
Nagawa naming magdamayan kahit minsan
Kaya para sa lahat ng nanakawan
Sana kayo ay may natutunan
Mga bagay na mahalaga dapat ingatan
Maging pera man o pitakang walang laman
“Bilog ang mundo”
Pagising sa umaga,unang bukas ng mata
Parang may anghel sa lupa ako’y natulala
Pero ng punasan ko ang aking muta
Ikaw palagi ang aking nakikita
Simula noong ikaw ay mapansin
Mga mata ko sayo nakatingin
Di alam kung paano ka susuyuin
Pagkat ako ay sadyang mahiyain
Sa tuwing ikaw ay aking kinakausap
Tila ako ay laging nasa ulap
Mga mata mo ay kumukuti-kutitap
Ngiti mong kay ganda parang model ng “close-up”
Kahit saan Pangalan mo ang naririnig
Araw-araw na lang ikaw ang bukangbibig
Sa tingin ko ito na nga ang pagibig
Pagkat ang aking puso sa’yo pumipintig
Kung sakaling ako man ay iyong sagutin
Di ka magsisisi,maniwala ka sakin
Sapagkat ikaw lang ang aking iibigin
Di ipagpapalit maging kay Angel Locsin
Kung ako’y sinungaling,ako ay iyong sipain
Sa Dyaryo balutin at ipakain sa pating
Lahat ng iyan ay pilit kong titiisin
Kung yan lang ang paraan upang ako’y mahalin
Kung iba man ang iyong nais piliin
At ika’y makatagpo ng artistahin
Wag na wag mo sana akong lilimutin
At lagi mong isipin na ako’y cute din!
Oh giliw lagi kong napapanaginipan
Tayo daw ay nasa magandang simbahan
At ginaganap ang magarbo nating kasalan
At sa labas ang mala piyestang handaan
Ngunit mananatiling pangarap na lang ang lahat
Ng aking makitang may nakaakbay sayong balikat
Ang pangyayaring ito’y lubos kong ikinagulat
Sa sobrang saklap,di ko ito matanggap
Sa iyong kagandahan ako’y naakit
Ngayon ako ay masisiraan ng bait
Pagkat nalaman kong ako’y ipagpapalit
Sa isang walang kwenta at ubod ng pangit!
Kung sakaling ako’y tumalon ng building
Naroon ka kaya para ako’y saluhin?
At kung hindi mo man iyan gagawin
Yari ka ikaw ang aking mumultuhin
Paano kaya ako makakagawa
Tulang may matatalimhagang salita?
Kung ikaw ay sakaling mawawala
Takbo ng buhay ko paano na kaya?
Noon nga’y akala ko na magiging tayo
At ikaw ang mamahalin ko ng todo
Ngunit ang pagibig nga ay pabagobago
Tama nga sila tunay ngang “Bilog ang Mundo!”
